Blog Archives

26/4/2015

Joe Lynn Turner í Atlantis leygarkvøldið 2. mai

Lagt verður upp til eitt sera spennandi og hugnaligt kvøld har ein altíð sera vælupplagdur Joe Lynn Turner, sum er kendur frá Rainbow, Deep Purple vm. kemur at spæla og syngja rock klassikarar frá sínum drúgva tónleikalívið.

Eisini verður høvi at seta viðkomandi spurningar til hansara drúgvu royndir innan rocktónleik.

Talan er um eina aukustiska framførðslu og at hjálpa sær við undirspælinum, hevur hann Eyðun Nolsøe og Graham Stewart, sum vit kenna frá Hjarnar.

Kom og njót eitt hugnaligt kvøld saman við Joe Lynn Turner, har m.a. STONE COLD, STREET OF DREAMS, HUSH, SMOKE ON THE WATER, KING OF DREAMS, CATCH THE RAINBOW, MOONDANCE
umframt fleiri onnur kend løg verða at hoyra!

Atgongumerki er til keyps á www.atlantis.fo

25/4/2015

Listaframsýning við Finleif Mortensen

Tann 1. mai letur Finleif Mortensen upp listaframsýning í Gamla Seglhúsinum, Klaksvíksvegur 48.
Fernisering verður fríggjadagin 1. mai kl. 14. og verður tá eisini møguleiki at heilsa uppá listamannin sjálvan.

Umframt lættari ábit, kemur Rani Nolsøe at siga nøkur orð og spæla nøkur løg. Talan er um eina søluframsýning, sum hongur uppi fram til 28. mai.

Framsýningin, sum er ókeypis at vitja, er opin mánadag til fríggjadag frá kl. 14:00 til 17:00 og sunnudag frá 14:00 til 17:00.

Øll eru hjartaliga vælkomin !

Nærri upplýsingar um lívsrensl hjá Finleif, kann fáast við at vitja www.finleifmortensen.dk

6/4/2015

Listaframsýning - Pól Skarðenni

Talan er um eina søluframsýning, sum hongur uppi allan apríl mánaða.

Ókeypis atgongd og øll eru hjartaliga vælkomin.

Listaframsýningin er opin allar gerandisdagar
kl. 14.00 - 17.00 og sunnudag kl. 14.00 - 17.00