Í sambandi við at Joe Lynn Turner vitjar á Summarfestivalinum 2014 saman við “Icons of Rock” verður eitt serligt tónleikatiltak í Gamla Seglhúsinum, sunnukvøldið 10. august kl. 20:00 við sjálvum Joe Lynn Turner.

Hann fer saman við tveimum føroyskum guittarúrmælingum, at hava eina aukustiska framførðslu, umframt at greiða eitt sindur frá sínum drúgva tónleikalívi sum solistur og saman við eitt nú Rainbow, Deep Purple, Yngwie Malmsteen vm.
Møguleiki er at hitta legenduna “face to face” og annars at ogna sær fløgur, skreytlutir vm. Lættari ábit og okkurt leskandi verður eisini at fáa.

Pláss er fyri 60 gestum og kostnaðurin er kr. 375,00 fyri hvønn. Seinasta freist fyri tilmelding og gjalding er fríggjadagin 1. August. Um nærri spurningar eru, vinarliga ring 217055.

Tilmelding umvegis teldupost: simun@grafia.fo ella við at ringja / senda boð umvegis fartel. 217055

Leygardagin 8. mars - verður aftur møguligt at keypa livandi jomfrúhummarar, stórir "Bluetail Lobsters" og krabbar frá Steintór á torginum niðanfyri Gamla Seglhúsið.

Frá kl. 11:00 til kl. 16:00

Vælkomin!

Í samband við Torradagarnar, høvdu vit opið hús í Gamla Seglhúsinum. Jákup og Hergerð Ziskason, sum eru eitt satt gastronomiskt toymi, syrgdu fyri leskiligari hummarasúpan, og høvdu fólk annars eisini møguleika til at hyggja seg nærri kring um í Gamla Seglhúsinum.

Kristan Eliasen sýndi fram sítt sera snotuliga modelskip, sum er av gomlu “Norðborg”, og varð somuleiðis ein myndafrágreiðing um arbeiðsgongdina av hesum sera snotuliga handverki.

Niðanfyri, á torginum, høvdu vit sett tvey kør upp, sum vit fingu til vega frá Sjómannadegnum. Hesi kør skuldu nýtast til høvuðstiltaki, nevnliga søla og framsýninga av livandi Jákupskeljum, jomfrúhummara, svørtum hummara og krabbum.  Steintór Debes og frúan, sum hava hummarafiskiskap á Funningsfirði komu við rávørum og seldu til nógvar svangar gómar, sum ynsktu at royna hesa leskiligu rávøru í køkinum ella á grilluni.

Jú sigast má, at hetta tiltak eydaðist avbera væl og eru vit takksom fyri góða undirtøku og nógvar vitjanir. Somuleiðis skal Dávur Winther fáa stórt rós fyri Torradagarnar.

Myndatøka: Dávur Winther