Category: Vitjanir

6/6/2015

Italski sendiharrin í Danmark, Stefano Qeirolo Palmas, á kurteisisvitjan í Klaksvík

Í morgun vitjaði ferðalagið Kósina í Klaksvík, Christian í Grótinum og kjallaran í Christianskirkjuni, har listamaðurin Edward Fuglø greiddi frá um listaverkið, Jesus úr Nasaret. Tað er mentanar- og vinnuleiðarin í Klaksvíkar kommunu, Palli Ziskason, sum vísir ferðalagnum runt. Seinrapartin skipaði Klaksvíkar býráð og italski konsulin í Føroyum fyri almennari móttøku í Gamla Seglhúsinum, har Jógvan Skorðheim, borgarstjóri, var vertur. Á móttøkuni helt Carla Del Zotti, professari, ein stuttan fyrilestur um, hvussu írskir og romverskir kristniboðarar gróðursettu kristnitrúnna í Norðurhøvum.

Magni Arge sum er italienskur konsul í Føroyum og Bjørn Kalsø, sum umboðar Føroya landsstýri, røddu eisini á móttøkuni í Gamla Seglhúsinum seinrapartin.

Myndir og Kelda: Norðlýsið

6/8/2014

Twisted Sister vitja Gamla Seglhúsið

7/2/2014

Jógvan Skorheim vitjar læraralesandi

Borgarstjórin, Jógvan Skorheim vitjaði í morgun læraralesandi, sum eru til undirvísing í Gamla Seglhúsinum.
Undirvísingin fer fram umvegis fjarlestur í samráð við Fróðskaparsetur Føroya. Talan er í fyrstu syftu um eina royndarverkætlan, har næmingar í Sandoy, í Runavík og Klaksvík, fáa undirvísing úr høvuðssætinum í Tórshavn. Bæði undirvísarar og næmingar eru sera væl nøgdir við hesa loysnina, sum styttir munandi um tíð til at ferðast aftur og fram.

25/11/2013

Næmingar úr Eysturskúlanum á vitjan

27/8/2013

Danski justitsministarin vitjar Gamla Seglhúsið

Í dag hevði Gamla Seglhúsið vitjan av tí danska justitsministaranum Morten Bødskov. Saman við honum vóru embætisfólk og leiðandi starvsfólk innan løgregluna í Føroyum.

Símun Gullaksen vísti teimum bygningin og greiddi annars frá tí søguliga og dagliga virkseminum í Gamla Seglhúsinum.
Eftir hetta fingu tey vitjandi sær ein bita, áðrenn farið var víðari.

Myndir: Norðlýsið