|
14/2/2023 Fernisering - Frits Johannesen Skrivað hevur: Dávur Winther Í dag lat upp forkunnug listaframsýning við Frits Johannesen í gamla Seglhúsinum, har væl av fólki møtti upp. Eyðun Nolsøe og Karl Martin Samuelsen sungu tey løg, áðrenn lítil røða var hildin fyri honum, og síðani spældi Steintór Rasmussen eitt lag fyri Frits afturvið nøkrum hugleiðingum. Heilir 34 málningar vóru á framsýningnini við ymsum heitum, sum Rúmdareingil, Teldulandslag, Krokudillukonsert í skýming, Talgild konsert, Næmingur við teldu, Mansgjógv á Manhattan, Hálvir skjøldrar og ymiskt annað. Jú, Frits er ótømandi og tað melur væl hjá honum. Listin gerst hvassari, myndevnini fúka um oyrini og hann fær nógv frá hondini – Frits oysur úr huga sínum, sum er so rúmligur, víður og ikki minst glaður. Málningarnir fingu allir ein reyðan blett settan á seg eftir lítlari løtu. Alt hevur sín uppruna, alt er vorið til, alt er skapað – einki er tilvildarligt – ”Tað er so ófatiligt”, sum hann plagar at taka til. Tú undrast yvir alt – tú gáar um alt, hevur eyguni við tær, og fortelur so aftur í listini, yrkingingunum, tónleikinum og sanginum, hvat tú hevur upplivað, og hvat tú hugsar um – okkum til gagns. At skapa – skaparverkið er ikki tilvildarligt fyri tær – fjøllini, dalarnir, har tínar vøkru Snjóðsøljugentur uppi við Mansgjógv leikandi lætt spæla tær vakran tónleik, so tú verður trøllabundin av teimum. Eingin av málningunum tínum eru málaðir av tilvild – allir hava teir eina langa søgu og eru skapaðir úr tínum huga og hondum. Takk fyri eina frálíka framsýning, Frits! Myndir: Dávur Winther: 9/2/2023 Frits Johannesen í Gamla Seglhúsinum Týsdagin 14. februar 2023 letur upp listaframsýning í Gamla Seglhúsinum við Frits Johannesen. Fernisering verður týsdagin 14. februar kl. 16:00 og kemur Dávur Winther at røða. Talan er um 34 nýggjar málningar og verður henda framsýning ein partur av Torraskránni. Hjartaliga vælkomin! 11/12/2022 Fernisering - Tróndur Patursson Í dag var móttøka í Gamla Seglhúsinum í samband við sølurframsýning hjá Tróndi Patursson. Nógv fólk vóru til móttøkuna og fingu høvi at heilsa uppá listamannin, ið eisini dúgligani greiddi frá sínari list. Eyðun Nolsøe og Jógvan Olsen spældu og Símun Gullaksen læs upp yrking: Tú litar heimin, hjarta -sál og sinn- og burt úr lítlum - loysir tú úr lagdi- við hondum tínum og skarpa listar viti- tú skapar list- sum fer í hjarta inn. Tú lítlan háva- av tær sjálvum ger -stilt - tó sikkurt /tú leiðir tínar gongur -for Føroyaland - tú ert ein fornur fongur- tú kendur væl -so vítt -um heimin er. Ta Tróndar navn-svá kent í vár søgu er- tú ta navn - hevur megna væl at styrkja- títt stóra avrik -vit altíð vilja virða- tín fagra list á fríðum flogi er. Sámal Jacob Debes Olsen 05.08.2019 Norðlýsið kom á gátt og gav okkum hesar myndirnar frá degnum: 5/12/2022 Tróndur Patursson í Gamla Seglhúsinum
Sunnudagin 11. desember letur upp listaframsýning við Tróndur Patursson. Fernisering verður sunnudagin klokkan 16:00. Talan er um eina søluframsýning, sum umfatar málningar og hongur hon uppi fram til 22. januar 2023. Opið er: Mánadag tl fríggjadag 16:00 til 18:00 og Sunnudag 15:00 til 18:00. Um tað ikki er møguligt at vitja hesar tíðir, er møguligt at ringja 217055, fyri at finna eina hóskandi tíð. Øll eru hjartaliga vælkomin ! 8/11/2022 Heðin Kambsdal í Gamla Seglhúsinum Sunnudagin 13. november 2022 letur upp listaframsýning við Heðin Kambsdal í Gamla Seglhúsinum í Klaksvík. Fernisering verður sunnudagin kl. 16:00 og kemur Hanna Jensen at halda setanarrøðu. Eisini verður lættari ábit og syrgja Karl Martin Samuelsen, Eyðun Nolsøe og Jógvan Olsen – sum vit kenna frá bólkinum Hjarnar – fyri tónleikinum. Listaframsýningin, sum er ókeypis at vitja, hongur uppi fram til 3. desember 2022. Framsýningin kann síggjast mánadagar til fríggjadagar frá kl. 16:00-18:00 og sunnudagar frá kl. 14:00 til 18:00. Um tað ikki er møguligt at vitja hesar tíðir, er møguligt at ringja 217055, fyri at finna eina hóskandi tíð. Øll eru hjartaliga vælkomin ! --- Heðin Kambsdal er føddur í Fuglafirði 1951. Frá barnsbeini av var Heðin áhugaður í list. Morbróðir Heðin, Símun Johannesen, sum málaði í síni frítíð, var fyrsti íblástur hansara í list. Sum 16 ára gamal var Heðin til eina listaframsýning av Jóannis Kristiansen. Spælið í millum ljósið og myrkrið frá myndunum, sum eyðkennir málningarnar hjá Heðin í dag, er sprottin úr hesi framsýning. Fyrstu myndirnar hjá Heðin vóru blýantstekningar ella evnaðar til við oljukriti. Í 1965 fekk Heðin sína fyrstu oljumálningaútgerð og byrjaði at gera oljumálningar. Útbúgving og arbeiði: Heðin fór í byrjanini av 70’unum til Danmarkar á læraraseminarium umframt at nema sær serkunnleika innan list. Eftir lokna útbúgving arbeiddi Heðin eitt skifti sum lærari í Fuglarfjarða skúla, til leiðin aftur gekk til Danmarkar á musikkonservatorium. Eftir lokna útbygving sum organistur í byrjanini av 90’unum, arbeiddi hann nøkur ár í Danmark sum organistur og kórleiðari. Hesi árini í Danmark helt Heðin áfram við at mála. Hann arbeiddi út frá egnum skitsum og myndum, hann hevði tikið úr Føroyum. Hann sendi málningar til Føroyar millum annað til Ólavsøku-framsýningar og hevði somuleiðis fleiri framsýningar í Danmark. Í 1997 kom Heðin aftur til Føroyar og hevur síðani starvast sum klaverlærari og organistur.
Sunnudagin tann 16. oktober 2022 letur upp listaframsýning við Jógvan Kristiansson Glerfoss. Fernisering verður sunnudagin klokkan 16:00 og eru øll hjartaliga vælkomin á gátt, fyri at njóta hesa forvitnsligu framsýning, sum umfatar 19 nýggj verk. Umframt lættari ábit, tónleik verður eisini møguligt at heilsa uppá listamannin sjálvan. Framsýningin hongur uppi fram til 6. november 2022 og kann síggjast: Mánadag til fríggjadag 14:00 til 17:00 og Sunnudag 15:00 til 19:00. Um ikki ber til at møta til hesar tíðir, er møguligt at ringja 217055 fyri at finna eina hóskandi tíð. Hjartaliga vælkomin. 31/8/2022 Eyðun av Reyni í Gamla Seglhúsinum Sunnudagin 4. september letur upp listaframsýning við Eyðun av Reyni. Fernisering verður sunnudagin klokkan 16:00. Talan er um eina søluframsýning, sum hongur uppi fram til 25. september. Hjartaliga vælkomin! Opið er: Mánadag tl fríggjadag 14:00 til 17:00   24/5/2022 Fernisering - Bárður Dal Christiansen Fríggjadagin 27. mai 2022 letur upp listaframssýning við Bárður Dal Christiansen ella Bárður DC, sum vit eisini kenna hann, í Gamla Seglhúsinum. Fernisering verður verður fríggjadagin 27. mai klokkan 16:00 og kemur Bartal Augustinussen at røða og seta framsýningina. Benjamin Petersen - Son of Fortune syrgir fyri tónleikinum og verður eisini lættari ábit og okkurt leskandi at fáa. Framsýningin er opin hongur uppi allan juni mánaða og er ókeypis at vitja. Opið er soleiðis á Norðoyastevnu: Fríggjadagin: 16:00 – 19:00 Leygardagin: 15:00 – 19:00 Sunnudagin: 15:00 – 19:00 Í juni mánaða er framsýningin opin yrkadagar frá 14:00 til 17:00. Hjartaliga vælkomin! 19/4/2022 Fernisering - Arnold Vegghamar Fríggjadagin 22. apríl 2022 verður listamaðurin Arnold Vegghamar 85 ár . Í hesum sambandinum letur upp ein stór hátíðarframsýning í Gamla Seglhúsinum, Klaksvíksvegur 48, sum umfatar 56 nýggj verk. Dagmar Warming lýsir m.a. soleiðis Arnold í bók síni: “Vegghamar arbeiðir einsamallur sum listamaður. Hann málar heilt í egnari verð uttan at hyggja um seg, til onnur samtíðarlistafólk í Føroyum. Leiðin, hann tók í lívinum, eftir at hann fyrrsum ungur maður í nøkur ár royndi at fylgja eini vónleysari leið, hevur ført hann heim til Viðareiðis sum málara. Her fer hann at búgva og arbeiða restina av ævi sínari, og myndaevnini eru ikki bara soleiðis til at vika. Tey eru har beint hjá honum og geva honum íblástur til at mála verk, sum tey flestu halda vera úr einum øðrum heimi, sum eru komin higar gjøgnum tað viðkvæma sinnið hjá einum einligum persón og ein kraftmiklan koloritt. Víst er tað so, at landslagið kveikir hugin til at mála, men við úrslitinum, verkinum, koma vit inn í annan hugaheim. Vit síggja landslagið við nýggjum eygum. Í hesum finst tann sermerkti og endurnýggjaði landslagsmálningurin, sum er heilt einastandandi í norðurlendskum høpi” Fernisering verður á sjálvum føðingardegnum klokkan 16:00 og kemur Hilmar Høgenni frá Listafelag Føroya at seta framsýningina. Møguleiki er at hitta listamannin sjálvan og heilsa uppá. Karl Martin Samuelsen og Eyðun Nolsøe syrgja fyri tónleikinum umframt borðreitt verður við onkrum leskandi og góðum til góman. Framsýningin er opin: Fríggjadagin 22. apríl 16:00 til 20:00 Leygardagin 23. apríl 15:00 til 19:00 Sunnudagin 24. apríl 15:00 til 19:00 Framsýningin hongur uppi fram til 29. mai. Opið allar yrkadagar frá 14:00 til 17:00 og sunnudagar frá 15:00 til 19:00. Hjartaliga vælkomin! 15/1/2022 Fernisering - Torbjørn Olsen
|
Gamla SeglhúsiðÍ teim sera hugnaligu kørmunum í Gamla Seglhúsinum fyriskipa vit listaframsýningar, skeiðstænastu, ráðstevnu um landbúnað, umframt útleigan av hølum, ið kunnu nýtast til fundarvirksemi, framløgur, frálæru, temadagar, jólaborðhald vm. Geinasavn
February 2025
Býtt í bólkarAll átøk átøk Byggingin Fundavirksemi Listaframsýningar Listaframsýningar Ráðstevna Skeiðvirksemi Tíðindaskriv Vitjanir Ymiskt |
RSS Feed
TÆNASTUR
© GAMLA SEGLHÚSIÐ I KLAKSVÍKSVEGUR 48 I FO-700 KLAKSVÍK I FØROYAR I +298 217055 I +298 227072